قصة لميـــــــــــــــــــــــــــــاء الجزء التاني

قصة لميـــــــــــــــــــــــــــــاء

للكاتبة هاينة 

الجزء التاني

لمياء = وي
سوسن = باغ ترجعي مع هاذي ثاني
عائشة = كيفاش مع هاذي هضري محتارمة
سوسن = على شنو كتعرفي انتي على الاحترام لمياء مغداش تمشي معاك
عائشة = و شكون انتي حتى تقري بلا تمشي و لا ما تمشيش
سوسن = الا مخلتيهاش مشات معايا غادة نحرس باش انتي وولدك العزيز دخلوا تجربوا العيشة ديال الحبس شوية
عائشة = ههههه مالي قاتلة
سوسن = داك الشي لي كان غادي يوقع ولكن ربي ستر

عائشة = شنو بغيتي تقولي
سوسن = كيف كتسمعي غادة تمشي معايا و ماشي بوحدها هي و خوها ولا غادة نقول البوليس بلا تعديتوا عليها انتي وولدك و حاولتو تقتلوها و تقرير الطبي كاين ,و من غير ان ولدك حاول يقتلها معاك انو حاول حتى يتعدى عليها , فوق هاذ الشي كيبيع ويتعطى المخدرات شنو بان ليك في هاذ الدوسي حتى الا خرجتي انتي من الحبس غادة تبقاي تدي القفة لولدك
عائشة = ياك يا بنت الهم هاذشي لي تافقتي عليه مع باك
سوسن = دابا غادة تقنعي راجلك بهاذ الهضرة و لا غادة ندير خدمتي
عائشة سكتات = شنو غادة نقول ليه
سوسن = قولي ليه شافتها واحدة بغات تكلف بيها هي و خوها و غادي يفكونا من صيرهم و من صداعهم و وقت ما بغاهم غادي يلقا باب داري محلول يجي يشوفهم
عائشة = خليها تمشي دابا و باش ما كان نعيط ليك غدا
خدات سوسن الرقم ديال التليفون من عند عائشة و تفارقت معاهم من بعد ما سلمت على لمياء و قالت ليها متخافيش .
وصلت لمياء الدار عائشة ميكة عليها مقاداش تهضرمعاها ,
عائشة = فريد عرفتي اليوم تلاقيت مع واحد المحسينة في الصبيطار
فريد = اوا
عائشة = باينة فيها عايشة غير بوحدها و بغات تدي لمياء معاها و كيف تكلف بيها و لكن انا قلت ليها ما يمكنش راها مقابلة خوها صغير و هي تقول ليها حتى خوها يجي معاها نتكلف بيهم بزوج
فريد = و علاش ما يبقاو في دار ما عندها لاش تكلف بيهم هذوك ولادي خاصهم يبقاو عندي سوا عندي و لا لا
عائشة = اوا سمع اسيدي الزين الصافي ديال لبنتك عاودت ليها كلشي و الا مخداتهاش تكلفتش بيها قاتليك كلنا غادي ندخلوا الحبس و ماشي بعيد كيف ما جابت الدوسي ديالي و ديال ولدي تعرف بلا حتى كتعاطى المخدرات و تبيعها مع معاذ و ديك الساعة شوف شنو يخرجك من الحبس
فريد = شنو سايرة كتقولي
عائشة = كيف كتسمع و في الاخير راها غادة تهنيك من مسؤوليتهم و هي دابا كتسنى مني نعيط ليها و متخافش قالت ليك من حقك تجي تشوفهم الوقت لي بغيتي
فريد بقى يفكر و خاف قال يمكن الا مشات عند هاذ المرا تهلى فيها و انا مقادش في اخر ايامي ندخل الحبس في الصباح قال لعائشة تقول ليها تجي تديها
جات سوسن عندهم ودات معاها الياس و لمياء قبل متخرج سلمات غير على باباها ,وصلت سوسن لدار و قالت لي لمياء دخل
سوسن = دخلي و حسبي الدار دارك
لمياء = شكرا
سوسن = و حتى انت الزين ديالي و نزلت باست الياس
وصلتها لبيتها هذا البيت هو ديالك و حيث باينة الياس مكيفرقكش المهم هانتي بدلي حوايجك انا غادة ندخل نوجد ما يتكال
جلست لمياء و قربت الياس عندها = اجي احبيب اختك متولفش على هاذ العز كامل من هنا القدام معرفناش فين غادي نمشيوا
كملات و خرجت عند سوسن لي كانت وجدات الطبلة لغداء
سوسن = اجي جلسي تاكلي ههههه قبلوا على طيابي راني منعرف منين نجيه
لمياء = لا باينة فيه زوين
سوسن = هههه ميغركش المظهر
لمياء = هههه عايشة بوحدك
سوسن = اه
لمياء = متخفيش
سوسن = هههه لا علاش غادة نخاف
لمياء = باينة ولفتي الجلسة بوحدك غادي نصدعوك
سوسن = بالعكس علاش متقوليش غادي تونسوني انا متنبغيش نجي الدار بكري باش منحسش براسي بوحدي اما دابا هههههه شكون بحال كان عندي اه واحد ولاو عندي ثلاثة
لمياء = عندك خوك و باباك و ماماك
سوسن = عندي غير خويا هو الطبيب لي كان يعالجك اما ماما و بابا تفرقوا منين كنت صغيرة و ماما توجات و انا بقيت عند بابا و هاذي عام باش مات
لمياء = الله يرحموا يارب و ماماك كتشوفيها
سوسن = وي تنشوفها و نهض رمعاها في الفون ديما
لمياء = و علاش ما ساكناش مع خوك
سوسن = خويا ساكن مع ماما حيث هو الولد من زواجها ثاني و انا كبرت في هاذ الدار مع بابا و عندي فيها اغلب ذكرياتي منقدش نخليها و هنا نلقى راحتي اكثر
لمياء = الله يخليهم ليك
سوسن = امين ههههه باينة معجبتكش الماكلة
لمياء = لا و الله الا زوينة
المهم بقات لمياء مع سوسن و بالفعل كل نهار تيزيد حب سوسن لمياء و العكس سوسن اقتارحت على لمياء تدخل لورشات ديال الطبخ حيث كانت كتشوف كيفاش لمياء كتشوف وصفة و منين تسبها كتصيبها واعرة و يمكن احسن من شيف لي قدمها قالت لها علاش متخلش هاذ الموهبة مهنة تقدر تعاونك من هنا القدام ودخلت دارت تكوين لمدة سنتين و كانت كتشارك في المسابقات و تربح , باباها ما كانش حتى كيزورها هي كانت تمشي عندو تزورو,و كان حقد مرات باها باين .كانت ديما تقول لولدها خاصك تشوف كيفاش دير حتى تقنعها تزوج بيك .
سوسن = السلام عليكم ها انا جاية جايبة
لمياء = هههههه و عليكم السلام مرحبا بلي جا و جاب
سوسن = المهم بعدا الياس اجي جبت ليك اللعبة لي قلتي ليا و هكا احنا مخالصين كل ما كانوا نقطك مزيانين كل ما نبقى انا على كلمتي
الياس = يخليك ليلي
سوسن = هههههه نصاب من صغروا
لمياء = لهلا يحرمنا منك
سوسن =ولا يحرمني منكم ,المهم بلا علينا من هاذ الدرما عرفتي شنو لقيت واحد الاوتيل طالبين شيف و اوتيل خمس نجوم خاصك تمشي تقدمي لهاذ الخدمة حيث باينة الخلاص غادي يكون مزيان
لمياء = عندي عجب يختاروني
سوسن = احنا علاش متافقين شنو ناقصك حتى ميختاروكش ثيقي في نفسك و سيري جربي حظك في الاخر هما لي خاسرين و انا لي رابحة عندي اختي طيب واعر
لمياء = هههههههه حمقى المهم غدا ان شاء الله نمشي و نشوف
الغد ليه وجدات لمياء راسها و مشات و قالت ليهم بلا جات على قبل الخدمة لي حاطين ليها اعلان و جى المسؤول على الطباخين يشوفها
المسؤول = مرحبا اتفضلي
لمياء = شكرا
المسؤول = على جيتي
لمياء = شفت اعلان و جيت نجرب حظي
المسؤال = هاذ الخدمة ماشي تيشدوها بالزهر الا عندك عندك مرحبا بيك و لا لا بلاصتك ماشي هنا
لمياء = انا مقصدش شنو فهمتي و ها سيفي قدامك
المسؤول = متهمنيش شنو مكتوب في الوراق يكفي تجوبيني
لمياء = اتفضل
المسؤول = الا توظفتي شنو ممكن ديري
لمياء = الا عطاك الطبيب الدواء قبل ما يكشف عليك نقول ليك شنو ممكن انا ندير , حتى نخدم و شوف شنو نقدر ندير
المسؤول = عارفة بلا بزاف كيطمحوا يخدموا معانا علاش خاصني نختارك انتي من بينهم
لمياء = هاذ السؤال جوابوا عندك
المسؤول = خلي سيفي ديالك و سيري حتى نعيطوا ليك
لمياء = اوكي في امان الله و مشات و خلات المسؤول تيفكر في هضرتها
و هي خارجة و تهضر بوحدها علاش نختارك انت انا حاسة راسي داخلة لمنصب وزاري ناري هذا بازل لي خدامين معاه هذا غير لمسؤول هنا اما لي فوق منهم منعرف كيف كيتصرفوا اوووف ايييييي هزت عينيها الله يا خويا مالك مكتشوفش ,
الشاب = سمحي ليا و لكن حتى انتي منك الحطأ غادة كتهضري بوحدك و مكتشوفيش قدامك
لمياء = سمحلي
الشاب = صافا بعدا ياك متقسحتي
لمياء = لا الحمد لله
الشاب = سمحيلي ليا
لمياء = هههههه سمحلي انت اانا لي غادة بحال التران يالله بسلامة

رجعت لدار وجدت الغداء و خرجت تجيب الياس من المدرسة و رجعات
لمياء = السلام عليكم جيتي
سوسن = و عليكم السلام يالله شي شوية شنو درتي اليوم فرحيني
لمياء = ناري يا اختي شحال قاصح هذاك لي درا ليا المقابلة و شي اسئلة عندو ممفهومينش , خاصو يشوف شنو عندي في سيفي و يحكم يخدمني و لالا
سوسن = هههههههه لا ماشي جات غير بالشواهد هي كتلعب دور ولكن في اكثر المرات يقدر الاسلوب و الطريقة و التفكير ياخدو النسبة الاعلى
لمياء = اوا كنتي تقوليها ليها نقرا عليهم تا هما شي شوية
سوسن = حتى دابا بقاي الحال , اوا كملي شنو دار معاك
لمياء و غلظت صوتها = حطي سيفي و سيري حتى نعيطو ليك
سوسن = هههههه حمقاء حطي ليا انا الغداء راني ميتة بالجوع و مزال راجعة
تغداو مجموعين سوسن رجعات الخدمة و لمياء دات الياس رجعاتو المدرسة و رجعت لدار
عند سوسن في الخدمة
السكرتيرة = انسة سوسن السيد زياد هنا
سوسن = خليه يدخل
زياد = اهلا بالاستاذة ديالنا
سوسن = هههه مرحبا بيك كيف داير لباس
زياد = الحمدلله و انتي شنو اخبارك
سوسن = الحمدلله ها انت كتشوف وسط الملفات
زياد = هههه من وانتي صغيرة و هذا حلمك اوا قدي بيه
سوسن = اوا اش جابك عندي اليوم شنو تشرب بعدا
زياد = خليها مرة اخرى المهم جيتك في واحد القضية ديال واحد الارض الواليد كان مخليها لواحد السيد و بقى يهضر مع سوسن على هذيك الارض نخليوهم و نمشيو عند
لمياء = الله ياربي شكون كي سوني ليا دابا
لمياء = الو
الشخص = لمياء .....
لمياء = هي انا
الشخص = الخدمة لي جيتي على قبلها اليوم تقبلتي فيها و من غدا جي باش تخادي جدول العمل ديالك
لمياء = اوك شكرا ان شاء الله غدا نكون عندك
وووووووووووووووووووا اخيرا ولات عندي خدمة الحمدلله يارب
دخلت سوسن لدار
سوسن = هههههه صوتك واصل تال الاخر ديال الزنقة فرحيني معاك
لمياء = قبلوني في الخدمة
سوسن = كنت عارفة غادي قبلوك الف مبروك حبيبة ديالي
لمياء = الله يبارك فيك
لمياء = اممممم حتى انتي اليوم بنتي ليا فرحانة
سوسن = هههه انا ساهلة حيث انتي فرحانة و مشات دخلت لبيتها
لمياء = امممم عليا انا راني تنعرفك اعتارفي
سوسن = ههههههه شنو دابا نقلبوا الادوار
لمياء = هضري هضري شنو كاين
سوسن = امم و بلا مضحكي عليا ,اليوم و انا خدامة جا عندي واحد ولد كنت كنعرفوا و انا صغيرة قرا معايا و اه راه هو المدير ديال الاوتيل لي انتي فيه
لمياء = اوا
سوسن= ههههه كان يعجبني في الصغر شفتوا و انا نحيي الماضي
لمياء = اممم ناس تيبغيوا من ورايا
سوسن = اش تنبغيوه الله يهديك انا غير قتليك
لمياء و خارجة = راني تقت بيك كوني هانية
سوسن = ههههه عارفة
خرجات سوسن عندها = اجي انت هنا مال ايدك
لمياء = هههه فقسني هاذ لي درت عندو المقابلة خارجة نهضر بوحدي و انا نتساطح مع واحد البوكوص هههه و منين جيت ضراتني ايدي
سوسن = ههههه بوكوص من بعد و نهضروا فيها , دابا ايدك لاباس
لمياء = لاباس عليها
الغد ليه مشات لمياء الخدمة و عرفت التوقيت ديالها و بدات خدمتها في النفس نهار كانت فرحانة و داك الشي لي كدير و حتى المسؤول عليها مينكرش بلا خدمة مزيانة و غادة تزيد طور اكثر خصوصا انها كتبان على دراية بمجموعة من المطابخ العالمية
لمياء = الخدمة زينة ولكين الوقفة كتعيي اووووف اخير غادة نمشي في حالي حيدث توني ديال الخدمة لبسات حوايجها و خرجات غادة في باب الاوتيل تلاقات مع الولد لي ضربها ,
الولد = ماشي انتي ديال البارح
لمياء و بلعاني دارت راسها ما عاقلاش = سمحلي كتعرفني
الولد = و شاف ايدها . واش انتي البنت لي تساطحت معاها البارح
لمياء = اه هذا انت وي هي انا سمحلي معقلتش عليك
الولد = ياك لاباس ايدك ما وقع ليها والو
لمياء = لباس ماوقع والو
الولد = شنو كديري هنا
لمياء = انا خدامة هنا
الولد = هي غادي نتشاوفوا بزاف
لمياء = مفهمتش
الولد = حيث حتى انا خدام هنا
لمياء = مزيان يالله نخليك دابا سمحلي تعطلت
و خلاتو و مشات و لكن بقات كتقول علاش مطولتش معاه الهضرة ,هو قال في راسو هاذي مالها ديما مزروبة
رجعت لدار دخلت
لمياء = السلام عليكم
سوسن و الياس = و عليكم السلام
سوسن = هاي هاي ناس و الخدمة
لمياء = ههه اياه ا لالة
سوسن = كيف كان نهارك
لمياء = الحمدلله داك الشارف الهارف نهار كامل و هو يشطح فيا تا حاجة معجباه
سوسن = ههههه من نهار الاول كتشكاي بالعكس خودي كلشي بايجابية لا بغيتي تنجحي
لمياء = اييييي بدينا ثاني
سوسن = ها انا ساكتة
لمياء = هههههههه عرفتي اليوم تلاقيت مع الولد لي ضربني البارح حتى هو خدام تما

سوسن = هاي هاي

لمياء = را واقيلا قلت ليك غير خدام ماشي خطبني

سوسن = من هنا القدام

لمياء = و انتي رجعتي شفتي حب الطفولة

سوسن = ههههه حمقاء لا ولكن هضرت معاه في التليفون

لمياء = امممممم

سوسن = نوضي قدي لا عندك ما تقدي بلا ما تبداي عليا بدوك الافكار ديالك

بقات لمياء خدامة و كل نهار تعلم حاجة جديدة و كانت كتسمع الهضرة و الملاحظات و تحاول طبقهم و ضافت حتى اطباق من عندها و الولد لي ضربها هو زياد المدير ديال الاوتيل و هو تي دير دورة على الاوتيل بانت ليه و عرفها فين خدامة من اول مرة هض رمعاها حس بشي حاجة كتجذب ليها حاول يتقرب منها و كل ما كتعرف انوا خدام معاها , معرفاش بلا هو مول الشي ,سوسن حتى هي كتهضر معاه ونهار على نهار كتزيد تبغيه ,ربحت القضية لي جاب ليها ,كان في الاوتيل واحد الحفل بمناسبة ديال سحال من سنة مرة على التاسيس ديالوا

سوسن = لمياء ههههه عرفتي اليوم عرض عليها زياد و صيفط ليا دعوة باش نحضر الحفلة

لمياء = ههههه حتى انا البوكوص ديالي قال ليا بلا عندو زوج عوات و طلب مني نمشي معاه ولكن حتى نسالي خدمتي و نمشي عندو

سوسن = ناري اصاحبتي زعما ما تحاوليش تاخدي اليوم نمشيو بزوجات

لمياء = لا منقدرش ضروري خاصني نكون حاضرة حيث الماكلة لي غادي تاكلو شكون مصايبها

سوسن = اوا عرفتي شنو ديري دي معاك الحوايج لي غادي نخرجوا نشروا دابا و لبسي تما بلا مترجعي دتال الدار و تلبسي

لمياء = عندك الحق حتى هاذي فكرة

لمياء = شنو غادي نديروا في الياس

سوسن = متخفيش انا منين نكون غادة غادة نخليه عند مرات عادل صافي

لمياء = اوكي مشات

و خرجات لمياء و سوسن شراو شنو غادين يلبسوا

صباح لمياء مشات الخدمة و سوسن فطرات الياس و داتو المدرسة و مشات حتى هي لخدمتها

و مع وقت الغداء رجعت سوسن غدات الياس و بقات تلعب هي و ياه كان عندو نص نهار منين وصل الوقت لباس و تقدات و هزات الياس وصلاتوا عند عادل قاتليه منين نكون راجعة غادة نجيبوا راني معروضة واحد الحفلة انا و لمياء

لمياء حاولت تسالي بكري و تصلت بيها سوسن

سوسن = السلام عليكم

لمياء = و عليكم السلام فينك

سوسن = انا وصلت غادة نبقى نتسناك

لمياء = هانتي انا باقي قدامي شي ساعة و اصلا معنديش دعوة راها عندو هو غير سبقيني انتي

سوسن = اوكي زين

لمياء = هههه متخفيش راه غادة تجبيه

سوسن = ههه كوني تحشمي

واحد من لي خدامين معا لمياء = لمياء هاكي هالدعوة

لمياء = لقات مكتوب فيها ( متعطليش انا خاصني ضروري نكون دخل قبل منين تكمليني سوني ليا تلقايني نتسناك )

لمياء ابتسمت كملت و مشات بدلت حوايجها من بعد شي ساعة قالت مادام عندي الدعوة اجي ندخل نديرها ليه مفاجئة دخلت و كتقلب على سوسن بانت ليها واقفة تضحك مع واحد و هي تسوني عليها ,

سوسن = فينيك اصاحبتي

لمياء = هههههه تنشوف فيك و باينة ليا منساجمة واش هو هذاك

سوسن = ههههه اه

و هو يدور زياد شافتو تصدمات مبقاتش كتجاوب في الفون و قطعت و خرجات من الحفلة ,

بقات سوسن كتسوني و هي تجاوبها

سوسن = مالك خلعتيني فينك ياك لاباس

لمياء = لا والو باس غير اختي جاني الوجع راك عارفة هذيك كتجيني بالوجع و انا ما ديرة والو قلت احسن نرجع هانتي كملي الحفلة ديالك بلا متشطني باقين الافراح لي تجمعنا و ان شاء الله نشطح فرسك قريب هههههههه

سوسن = و ارتاحت شوية يالله سيري ارتاحي منين توصلي لدار سوني ليا انطان عليك

لمياء = اوك الزين ديالي

لمياء خدات طاكسي و غادة تفكر هههههه حتى قلت قربت ندير داري لقيت لي يفهمتي صدقت اعز ناس عندي كتبغيه ما يمكنش انا لي هي دارت شحال مني حاجة على قبلي نوقف في باب سعدها مكتستاهلش لا و السيد هو المدير و بارك عليا خدام .فيه علاش مقالش ليا علاش و كيفاش انا مديتهاش في تشابه الاسماء و اصلا هاذشي مبقى يفيد في والوا خاصني نخلي الخدمة تما ,يالله قربت تنزل سونات ليها سوسن = لمياء وصلتي كيبقيتي شوية

لمياء = يالله لقيتي الطاكسي وقف دابا غادة نزل بلا متشطني انا لاباس عليا

قطعت معاها خلصت الطاكسي و نزلت و هي طالعة الدار جاها صوت من اللور

الصوت = هاي هاي ناس مبقاوش يتعرفو

دارت لمياء = شنو جاي ديري شنو باغي

الصوت = هاي هاي ناس مبقاوش يتعرفو

دارت لمياء = شنو جاي ديري شنو باغي

معاذ = باغي نهضر معاك و كان باينة فيه سكران

لمياء = معندي فاش نهضر معاك

معاذ = الا بغيتي تعودي تشوفي خوك يالله ولا نساي عمرك تشوفيه

لمياء = اش درتي لخويا

معاذ = انا باقي ما درت ليه والو ولكن غادي ندير

لمياء = شنو باغي مني

معاذ = يالله حيدي من هنا و غادي نتفاهموا

خافت على خوها مشات معاه و كان معاه حتى صاحبوا ركبوها في الطوموبيل صحة و مدوهاش في غوتها

وصلها واحد دار بحال المهجورة قال صاحبوا يمشي يجيب ليه شراب

و هي دفعها

معاذ = دافعة عليا كبير دوي

لمياء = بعد مني الحيوان تقسني نقتلك

معاذ = و مزال زايدة فيه لالا انا اليوم عندي الزهر و جاية لابسة و مقادة ليا شكون بحال

و بدا تيقرب منها و هي كتبعد والو ناوي يتعدى عليها ضربها بقوة لوجهها حتى فقدات الوعي

الصباح كتفيق كتلقى راسها الجسد ديالها شبه عاري كمشت راسها لعندها و بقات كتبكي

ولكن فاش غادي يفيدها البكا و اغلى ما عندها مشى ليها حسات بكلشي ضاع منها فجأة

ضاع باباها نهار سمح لشرلب و قصير يتحكموا فيه و نسا داروا

ضاعت ماماها بسباب نتجة افعال باباها

و ضاع منها الانسان لي اول مرة حست براسها حتى هي بنادم ممن تبغي و يبغيها شي واحد

خوها معرفاش شنو وقع ليه

و دابا ضاعت هي هي ضاعت قبل و لكن كانوا ابسط الحوايج تيحسوها بلا كاينة اما دابا ضاعت في خطرة و خايبة هي انها في الاخير هي لي غادة تلام واخا هي غير ضحية

حاولت تلبس حويجها و تستر راسها واخا كانت غادة و كتحس براسها عريانة قدام ناس وصلت لباب ديال دار سوسن لي كانت مشطونة عليها دقت حلت ليها

سوسن = فين كنتي خلعتيني عليك علاش مكتجوبيش في تليفونك

لمياء = كتبكي

سوسن = دخلت عليك بالله و ماماك لي عزيزة عليك هضري مالكي شنو وقع ليك

و قربت بغات تعنقها

لمياء = بعدي مني متقسينيش انا موسخة غادة نوسخك متمسينيش بعدي بعدي

سوسن = وفيها الخلعة شنو وقع ليك هضري خلعتيتي شنو طاري ليك هضري

لمياء = كتبكي

سوسن = وقفتها و دخلتها نيشان الدوش طلقاتو عليها

لمياء كتبكي و سوسن جالسة تا دوش ليها و هي كتعاونها تبدل ليها طاحت بين ايديها عيطت لعادل جا عندها

عادل =شنو وقع ليها مالها في هاذ الحالة

سوسن = معرفتش حتى دخلت عندي منهارة

عادل = عندها انهيار عصبي انا عطيتها براة الا تزاد عليها الحال خاصها تمشي الصبيطار

سوسن = الله يا اختي الحبيبة و شنو بيك عاد البارح كنتي فرحانة

عادل مشى و سوسن جلست حداها تدي و تجيب في افكارها

حتى فاقت لمياء شفت سوسن حداها بداتك تبكي ,عنقتها سوسن

سوسن = هضري الله يسترك و قولي مالك فرغي لي في قلبك لي ثقالت عليك خفافت عليا هضري و قولي شنو عندك

لمياء = غير كتبكي

سوسن = هضري شنو عندك

لمياء = نادت وقفت والو غير خاصني نمشي من هنا

سوسن = الله يا اختي اش هاذ الهضرة كتقولي ليا شنو درت ليك

لمياء = كل الخير القلب الكبير عمرني نلقى بحالو ولكن ضروري من هاذ النهار

سوسن = شكون قال ليك انا غادة نفرقك عمرني واخا يوقع لوقع علاش باغا تحرميني منكم

لمياء = قلبك كبير و غادة ديري عائلة و انا غادة نبقى نسول فيك ولكن انا خاصني نمشي

سوسن = رجعتها لبلاصتها معندك فين غادة تمشي غادة تقول شنو درت ليك الا درت شي حاجة قلقاتك قوليها ليها انتي عارفى راسك عزيزة بحال اختي لي معنديش ,لا درت ليك شي حاجة كوني متاكدة راها بلا قصد

لمياء = بالعكس ما شفت منك غير الخير انا الا درت ليك شي حاجة عرفي بلا ما كنتش قاصدة

سوسن = و علاش باغا تخليني و تمشي

لمياء = فهميني خاصني نمشي و صلا ماخصكش تبقاي مع واحدة بحالي

سوسن = قلت ليك معندك في غادة تمشي فهمتي

لمياء = وقفات تجمع حوايجها احتارمي قراري لا كانت كتهمك راحتي هاكا غادة نكون مرتاحة اكثر

سوسن و حابسة البكيا = منين وصلات لراحتك هنا ما بقى عندي ما نقول راحتك فوق كلشي

خلاتها و خرجات كل وحدة فيهم جلست تبكي في بيتها حتال الصباح

فاقت لمياء خرجات بكري و مشات الخدمة باش تاخد فلوسها , وصلت و سولها لي مسؤول على ما جاتش قالت ليه بلا قرات تخلي الخدمة حاول يقنعها باش و لكن هي جاية واخدة القرار ديال و هي غادية تاخد حسابها وقفها زياد

زياد و شدها = من ايدها علاش مجيتيش الحفلة خليتيني نتسنى فيك بحال الحمق

لمياء = حيث كان خاصني منجيش

زياد = و انا لي قلتي ليا غادة نجي و خليتيني نتسنى و كنت باغي نهضر معاك علا تكذبي عليا

لمياء = وحدة بوحدة

زياد = شنو قصدك
لمياء = و انت علاش مقلتيش ليا بلا انت هو المدير
زياد = فاش كان غادي يفيد تعرفي و لالا انا كنت باغيك تصرفي على طبيعتك ما كنتش باغيك تحسي بفرق ولا شي حاجة
لمياء = المهم هاذ الهضرة ما بقى عندها فاش تفيد دابا
زياد = شنو بغيتي تقولي
لمياء = انا غادة فحالي ما بقيتش خدامة هنا
زياد = غير اني ما قلتش ليك انا شكون غادة تمشي فحالك و تخليني هوكا
لمياء = عندي اسبابي
جرها معاه البيرو ديالوا هي بغاها يطلقها ما وقف حتى وقف في بيروه و صدو
زياد = لي هي
لمياء = كنحتافظ بيها لنفسي
زياد = شنو دابا انا تعلقيني بيك منين انتي ما تبغيش تخليني انا و تمشي
لمياء = معنديش شي حاجة نضيفها خليني نمشي في حالي ( و حابسة دموعها )
زياد = قرب لعندها و خدا الصفة ديال المحنة ,شرحي ليا غير علاش على الاقل
لمياء = بدات تبكي
زياد = هضري واش خايفة من فرق بيناتنا انا متيهمنيش كتهميني غير انتي ما كيهمني لا باك شكون لا انتي بنت من
لمياء = شوف انت ولد ناس و ما شفت منك غير الخير و انا ماشي غادة نخليك على قبل انك ما قلتيش ليا شكون و بدات كتهضر ليه على سوسن و كتحاول تبين صفاتها زوينين كاملين اصلا هي ضريفة بلا متحاول تشكرها
زياد = انا فهمتك ولكن شنو دابا باغا ترجعي ليها الجميل انك تخليني ليها شنو انا وليت غير حاجة عندك , عند بالك انا لا وليت معاها غادي نساك انتي ما بانش ليك بلا هذا ظلم ليها معاها و نفكر في وحدة اخرى هضري
لمياء = فهم هاذيك لي تصلاح ليك
زياد = شكون انتي باش توريني شكون تصلاح ليا انا بغيتك انتي و شفت بلا انتي لي تصلاحي
لمياء خرجت كتبكي و قالت ليه = انا منصلاح لا ليك لا لغيرك
هو مفهمش هضرتها
خدات فلوس و خرجت كتقلب على شي دار رخيصها تجمعها هي و خوها على الاقل بالفلوس لي جامعة راها يعيشوها شي شهورة
رجعت لدار هزات خوها و خرجات و دارت سلام ناقص بسوسن باش ما ضعافش قدامها و مشات اول حاجة دارت هزات انتقال لخوها بغات تبعد باش ميقلبوش عليها
زياد هضر مع سوسن و قال ليها بغيت نهضر معاك و دار باش يتلقى معاها في واحد القهوى
جات عندو و كان واضح عليها التعب كتبان صفراء
سوسن = السلام عليكم
زياد = وعليكم السلام . و قاد ليها الكرسي تجلس
زياد = ياك لباس ياك ما مريضة مال وجهك في هاذ الحالة
سوسن = غير شوية ديال المشاكيل و صافي عيطتي ليا شي حاجة مهمة
زياد = بدى هاضرمعاها و قال ليها كلشي
زياد = انتي اسوسن بنت الناس و اي واحد يتمناك ولكن راه القلب و لي بغى
سوسن = ربي خليك و هضرتك هي الكبيرة و انا سباب مرضي هي مشات من دار و مبغاتش حتى تقول ليا سباب ترجيتها و حلفت هي لقالت ليا و حتى خوها بدلت ليه المدرسة هاد الشي كلو باش منلقاهاش . شوف دابا منعرف غير فين مشات نخاف غير ترجع عند باها يولي داك المسخوط ديال ولد مرات باها داير ليها شي مصيبة . ركبت سوسن مع زياد و مشاو دار باها قلبوا ملقوهاش و قال ليهم باباها بلا ماجتش لدار , رجع زياد سوسن لدار و قال ليها بلا غادي يعرفها فين كاينة من خلال خوها ,فيها هما بثلاثة .و بدات متهضر معاها و تبكي هزات تليفونها .و رجعت تسوني ليها الرقم غير مشغل
ال
دخلت سوسن لدار و بدات كتفكر كل لحظة دوزتها معاها ضحكهم لعبهم و مشات حدى تصويرة غد ليه سونا ليها زياد و قال ليها راه عرف الياس انا مدرسة تيقرا فيها و هي ضروري ما غادة توصلوا حنا غادين نجلس نتسناوها حتى تجي تديه و نتبعوها نعرفوها فين ساكنة ,و بالفعل جا عندها نزلت ركبت معاه ووقف حدا المدرسة ديال الياس حتى شافوها جاية تديه عنقت خوها و غادة شادها من ايديه حتى وصلوا حدا واحد البناية .
سوسن = انا غادة نزل عندها قلبي واكلني عليها شوف راها ضعافت
زياد = غير تسناي بلاتي
سوسن = ما كاين ما نتسنى انا نازلة لا بغيتي تبقى انت بقى
و مشات كتجري لمياء طالعة في الدروج و سوسن تابعاها
حلت لمياء الباب دخلت و غادة تسد و هي تلقى سوسن و عينيها دموع
لمياء = شنو جيتي ديري هنا
سوسن = مغداش تخليني ندخل لدارك غادة تخليني في الباب
لمياء = الياس سير لبيتك
و مشات لصالون و خلات الباب بمعنى تبعيني
سوسن = علاش ما قلتيش ليا بلا زياد نفس الشخص
لمياء = فاش غادي يفيد على اين انتوما جيتو مع بعضكم
سوسن = انا ما كاينش الراجل لي فرقني عليك و لا على الياس فمهمتي معندي مندير بيه يمشي راجل يجيوا عشرة , ولكن الا مشات ليك اختك عاد غادة ترجعيها هو نقد نعيش بلا بيه ولكن انتوما لا شوفي حالتي كيف ولات طرا ليا هوكا منين مبقيتش شفتوا , هو ما تهمنيش و اصلا كيبغيك انتي ما كيبغينيش انا
لمياء و هي كتبكي = علاش قلبتي عليا فهميني و فهمي بلا انا مبغاش نرجع ليه صافي عيشي حياتك معاه و بني اسرتك هو ولاد ناس و حتى انتي
سوسن و شادة فيها = فهمي هو كيبغيك انتي منين مشيتي و هو كيقلب عليك انتي ما باغينيش انا اسرتوا باغي يكونها معاك انتي
لمياء و جرت ايديها = و انا منقدرش نكون اسرة معاه ولا مع غير
سوسن و متعجبة = و علاش بالسلامة شنو ناقصك
لمياء = و جلست تبكي كلشي كلشي
سوسن = هضري شنو عندك و انتي كنتي نهار كامل و انتي تهضري عليه دابا عاد ما باقش لايق هضري قولي شونوا عندك
لمياء و هي تبكي = مع ااا ذ
سوسن = نزلت الارض عندها شنو دار ليك هاذ الكلب متقوليش ليا
لمياء = زادت في بكاها
سوسن = كملت البكى مع صاحبتها امتى و كيفاش
لمياء و هي تبكي = نهرا الحفلة منين شفتك انتي و زياد و قلتي في .......... و عاودت ليها الفلم
من غيرهم كان شخص ثالث سمع الهضرة و حس بحال الا تكب عليه الماء بارد معرفش شنو يدري هبط زياد مع الدروج غادي و تفكيروا مشتت
سوسن = غادة نخليه يدفع ثمن هاذ الفعلة ديالو غير بلاتي
لمياء = شنو يتشد في الحبس و لا يتزوج بيا ما غادة تفيدني حتى وحدة فيهم و ماغادة ترجع والو غادة تخلي بنادم غير ينعث فيا بي اصابعوا انا ما باغا والو باغا نكبر غير خويا و انتي سيري عيشي حياتك معندك علاش تبقاي مصدعة راسك معايا
سوسن = انا غادة نوض ولكن انتي غادة تنوضي معايا انا منقدش نجلس في دار بوحدي و بلا متزيدي الهضرة
يالله لمياء بغات تهضر سكتتها و ناضت هي بدات تجمع في حوايجها و حوايج الياس
سوسن = يالله قدامي
لمياء عرفت بلا سوسن مغداش تخليها مشات معاها و عطات الساروت لعساس يعطيه لمول الدار
خدات سوسن اسبوع و جلست مع لمياء حاولت تنسي عليها شوية و زياد لا اخبار عليه
سوسن = لمياء
لمياء = وي
سوسن = عرفتي اليوم قال ليا راسي نخرج انا وياك نسهروا بزوج
لمياء = و شنو المناسبة بالسلامة
سوسن = ضروري تكون باش نخرجوا نسهروا
لمياء = هههه لا
سوسن = نرجع مع السبعة نلقاك لابسة متسناينيش الغداء غادة نقدي شي خدمة و نجي
لمياء= واخا الله يسهل عليك
سوسن = امين
نادت لمياء طرفت الدار و قادات الغداء تغدات هي و الياس و داتو المدرسة
منين قربت العشية مشات جابو و واعطاتو ياكل و مشات توجد راسها و هي دخل سوسن سلمات و مشات حتى هي توجد راسها و قالت ليها حتى الياس غادين يدوه ما كين لاش يبقى في دار يفوجوا على روسهم كاملين نزلوا طلعوا الطوموبيل ديال سوسن و شدات الطريق غادي و يضحكوا , وصلوا سونى التليفون لسوسن .
سوسن = لا خويا غير بقى شاد لينا الطابلة حنى جايين وصلات سوسن
سوسن = لمياء دخلي سابقينا لا يولي شاد طابلة عاطيها لشي واحد لي في الباب قولي ليه الطبلة بسميت سوسن و لمياء و دخلي تسنايني انا نجي انا و الياس
مشات سوسن تحط طوموبيل
و لمياء دخلت الريسطو و قالت لي قدام الباب راه كاينة طابلة بسميتها هي و صاحبتها و منين دخلات لقات زياد واقف كيتسناها مفهمت والو ورجعت غادة خارجة
زياد = شنو ما بغاش حتى تشوفيني
لمياء = شنو تادير هنا
زياد = جالس كنتسناك

لمياء = ولكن
زياد = ايه انا لبغيت منها دير هكا حيث عارفك مغداش تبغي تلاقاي معايا
لمياء = خاصك تعرف بلا
زياد = لي باغي نعرفوا عرفتوا انا انتيك تهمني حياتك من هاذ اللحظة معندي شغل في لي فات و لكن كوني اكيد لي طرا ليك مغديش يدوز بساهل و غادي يندم على النهار لي فكر يقيسك فيه
لمياء و هي كتبكي = شنو ذنبك حتى تقبل بيا انا
زياد = اني بغيت و مسحي هاذ الدموع ما كاين لاش طيحيهم شوفي من اليوم حتى حاجة مكتستاهل تبكي عليها , هو اه منكرش انا فاش سمعتك كتعودي لسوسن شنو وقع تصدمت و رجعت من الطريق . اي واحد تبغي يكون الاول في حياة الانسان لي كيبغي ولكن انا عارف اني الاول لي قلبك نبض ليه ,بقى فيا الحال و لكن حبي ليك اكبر من اني نتنازل عليك بهاذ السهولة
و كمل السهرة معاها و كانت احسن ليلة في حياتها و طلب منها الزواج و هي وافقت و دوزا عرس مطرطق

اوا منين مشى هو وياها الاوتيل باش يكملوا عرسهم ,منين جا يقرب منها تفكرت معاذ منين كان يتعدى عليها , و بعدات هو فهمها ,وبعد
زياد = خاصك تحاولي تنساي لا بغيتي تعيشي حياتك طبيعية انا عذرك و غادي نخليك تاخدي وقت ما دام انا قبلت الا و قاد نصبر و لكن حتى انتي خاصك ديري مجهود و يكفيش غير المجهود ديالي انا .داز شهر على زواجهم و هي مزال كل ما قرب منها كتبعد , و هو صابر و لكن هي كتقول في راسها حتى امتي .
هزت التلفون و عيطات لسوسن
سوسن = و اخيرا ناس تفكرونا ياك الشطانة فين غبورك
لمياء = ما غابرة والو بغيت نشوفك غادة نجي عندك لدار
سوسن = هذاك هو النهار الكبير ها انا غادة تلقايني نتسناك
لبسات و هبطات عند سوسن وصلت عندها عمروا اتاي و حطوه بزوج يشربوا فيه و بدات لمياء كتشكى عليها
سوسن = لمياء حاولي تنساي كيف ما قال ليك راه زياد ماشي هو معاذ اش جاب شي لشي
لمياء = و الله حتى كنحاول ولكن راه ميمكنش ليا و المشكيل تيبقى فيا حيث صابر عليا و انا خايفاه يعيا و يولي مخليني
سوسن = حاولي تنقدي زواجك اش بان ليك اليوم نهبطوا نتقداو و نشروا ششي لبسة نيت و سير وجدي راجلك شي ليلة هية و حتولي تنسى حيث هو تيستاحق تعطيه فرصة و دخليه لحياتك
لمياء = هاذ شي لي تيبان ليك
سوسن = و هاذ الشي لي خاصك ديري
لمياء = يالله نوضي لبسي و انا غادة نتسناك
ناضت سوسن لبست حوايجها و تقدات و هبطت عند لمياء مشاو بزوج تقداو شنو خاصهم و لمياء كانت فرحانة و كطلب انا هاذ الليلة دوز بخير و على خير و لكن ما شفوش في واحد العينين لي كانو تابعينهم
= بزووووج قرطاسات و لكن مولات الاخضر لي واعرة
معاذ = هايك ديالي انا و انت لبغيتي الاخرى خودها
خرجت لمياء و سوسن من بعد ما تقداو لي خاصهم ركبوا في الطوموبيل و دارت غادة تحط لمياء في دارها و هي تمشي لدارها و لكن في الطريق تعرضوا ليهم معاذ و صاحبوا .
لمياء = ناري هذا شنو بغى ثاني
زلت سوسن من طوموبيل و ما كانش خاصها تنزل حيث هي في الاخير كتبقى غير بنت و هما زوج ولاد
سوسن = شنو باغي يا الكلب شنو مزال باغي منها مقدكش شنو درتوا ليها باقي تابعها تال دابا
معاذ = و انتي اش دخلك بيني و بينها انت مالك و لكن لي كدخل في شبقات ناس غادة تشوفي شنو كطرا ليه
جروهم بزوجات و داها لنفس دار فين داها اول مرة هو جر لمياء و صاحبوا دا سوسن
لمياء = شنو باغي واش ما عيتيش دمرتي ليا حياتي و مزال تابعني ياك اخديتي شنو بغيتي
معاذ = لا يالله غادي ناخد
لمياء = حشوما عليك انا مزوجة و بسبابك كارهة راسي ممخلياش حتى راجلي يقيسني
معاذ = بلاتي بلاتي شنو قلتي ممخلياش راجلك يقيسك
لمياء = وسختيني بوسخك
معاذ = ههههههههه الله على زهر هذا تيعني انك باقا بنت انا من الاول كنت كنقول بلا انتي ديالي
لمياء = كيفاش باقا بنت
معاذ = ههههههه انا داك النهار مقستكش يالله بغيت المكلخ ديال صاحبي خلا البوليس تبعوه هنا منين مشى يجي ليا شراب مشيت هربت و بقى فيا الحال و لكن هههههه رجعتي بين ايدي و من الفوق باقا بنت
لمياء = فرحت ولكن رجعت وعات بلا بلا متفرح كثر حيث مغديش يخليها تخرج كيف دخلت
في بلاصة اخرى سوسن , قالت هذا مبيناش فيه دكي بحال معاذ نحاول لا قدرت عليه و تمالكت اعصابها و حيدت الخوف و قالت ليه
سوسن = ناري انا معرفتش كيفاش واحد ضريف بحالك مصاحب معا واحد بحال معاذ شوف هو كيف جر صاحبتي و انت معيرتينيش حتى المعيور و بدات تغري فيه حتى حل ليها ايدها غير غفلاتو و هزات قرعة ديال شراب ضربتوا خلاتو و سط دماياتو عيط زياد و قالت ليه هما فين و مشات تقلب على لمياء فين شادها
عند لمياء
معاذ = شفتي هنا خاصك تعرفي بلا ربي مكتبك ليا درتي حتى درتي و ها انتي رجعتي ليا , منين قلت ليك انا نتزوجك مبغيتيش فضلتيه عليا هو انا غادي ندمرك انتي و ياها دابا نيت غادي نخليك تكرهي قاع الرجالة ماشي غير انا و لا راجلك
لمياء و هي منهارة = حشوما عليك
شافت سوسن من وراها و كتقول ليها بالاشارة سكتي
لمياء = خليني نمشي حرام عليك دير غير مرة في حياتك حاجة
معاذ = هاذشي لي غادي ندير دابا هو احسن حاجة غادي ندير في حياتي و هو يبان ليه بحال الخيال مراه دار و هي ضربوا سوسن ولكن متقسحش بزاف ناد ديك الساعة و دفعها حدى لمياء
معاذ = ههههههههه دايرة فيها الملاك الحارس شنو درتي لداك المخي ضحكتي عليه انتي مكدخليش سوق راسك مالك مشوية عليها خلاتها ليك مك و لكن غادي نخليك تشوفيها كتعذب قدامك
سوسن = والله يا كلب و تقيسها حتى الموت ميقنعنيش فيك يالله ناد جر لمياء عندو و هي تندوض صيفطات ليه حجرة ضرب في ايدو
جى شدها من شعرها و بدا يربط ليها ايديها حيث عرفها مغداش تبرك و هو يسمع صوت البوليس عرف الا بقى غادي يشدوه طل بانو ليه معمرين الدنيا و الديور يالله كيتبناو حدا هاذيد الدار طلع السطح و بغي يبقى ينقز السطوحة و البوليس تابعينوا جا ينقز السطح و هو يطيح بموتوا
زياد طلع يجري يقلب على لمياء و سوسن لقى سوسن معنقة لمياء و كيتبكاو
زياد جلس في الارض معاهم شنو دار ليكم ياك موقع والو هضروا كيفاش حتى تبعكم
لمياء عنقات زياد و بقات كتبكي و سوسن هي لي كتعاوض ليه و في نفس الوقت كتعطي اقولها البوليس
لمياء شفت ايد سوسن دايزة بالدم
لمياء = سوسن ايدك يالله ازياد الصبيطار ايجها زوقات
سوسن = مافيها والو غير تهنى
زياد مشى داهم بزوج سوسن فاش دفعها معاذ تهرسات ليها ايديها جبرها و لمياء خدات مهدأ باش تهدن معارفة يبقى فيها الحال حيث معاذ مات بهذيك الطريقة و لا تفرح بلي عرفت
مشات عند توام روحها
سوسن = شفتي دابا شنو طرا باش ناكل انا دابا شوف الله يخليك انا غادة نديها معايا لدار هي لتوكلني حتى ناحيض هاذ الجبس
زياد = ههههه لا تال هاذي ممتافقينش نصيفط معاك زوج و هي غادة تبقى معايا
لمياء = خلاتو و مشات عندها سمح ليا انا لا بغات نبقى معاها حياتي كاملة نوكلها ماشي غير تا تحيض الكبس و عنقتها
زياد = صافي صافي انا خارج منها دابا
لمياء بقات معنقة سوسن و تبكي
سوسن = صافي خنقتيني خلي شوية لراجلك
لمياء بدات كتعود ليها شنو وقع و شنو قال ليها
سوسن = شفتي احبيبة ربي كبير و ينساش عبدو انتي عشتي لعذاب و تستاهلي تفرحي عيشي حياتك
لمياء = من بعد الله الفضل تيرجع ليك احسن حاجة وقعات ليا في حياتي تلاقيت بيك
اوا واحد الطبيب صاحب عادل كان تيشوف سوسن منين تجي لصبيطار و حط عليها العين و خطبها وولدات معاه بنت و سماتها لمياء و لمياء ولدات مع راجلها بنت و سماتها سوسن
و مرات باباها ندمات على لي دارت و طلبت السماحة منها و لمياء ماطلعتش قليلة اصل و سامحتها حيث شافت بلا ربي عذبها بموتة لي مات ولدها و باها حتى هو سامحاتو اوا و خبيرة ديالي مشات من واد لواد و انا بقيت مع بنات ناس لجواد